ការតាំងពិព័រណ៍ដ៏ធំបំផុតចំនួន២ត្រលប់មកវិញហើយ

ពិព័រណ៍ឧស្សាហកម្មគ្រឿងយន្តកម្ពុជាអន្តរជាតិ(CIMIF 2016) និង ពិព័រណ៍ឧស្សាហកម្មសម្លៀកបំពាក់ និងវាយនភ័ណ្ឌកម្ពុជាអន្តរជាតិ (CTG 2016) នឹងត្រូវបានធ្វើឡើងតំណាលគ្នានៅថ្ងៃទី ២៦ ដល់ ២៩ ខែសីហា នៅ សាលសន្និបាទ និងមជ្ឈមណ្ឌលតាំងពិព័រណ៍កោះពេជ្រ។ ពិព័រណ៍ទាំងពីរនេះ ប្រមូលផ្ដុំដោយអ្នកតាំងពិព័រណ៍ជាង ២០០ ក្រុមហ៊ុន មកពី ១៤ ប្រទេស រួមមានប្រទេសអូទ្រីស កម្ពុជា ចិន អាឡឺម៉ង់ ហុងកុង ​ឥណ្ឌា អ៊ីតាលី ជប៉ុន កូរ៉េ ម៉ាឡេស៊ី សិង្ហបុរី តៃវ៉ាន់ ថៃ និងប្រទេសវៀតណាម នឹងតាំងបង្ហាញផលិតផល និងបច្ចេកវិទ្យាចុងក្រោយទៅតាមស្ដង់នីមួយៗសរុបជាង ២៥០ ស្ដង់។

ពិធីសម្ភោធជាផ្លូវការនឹងត្រូវរៀបចំដោយ ក្រុមហ៊ុន Yorkers Trade & Marketing Service Co., Ltd និងសហការដោយក្រសួងឧស្សាហកម្ម និងសិប្បកម្ម សមាគមរោងចក្រកាត់ដេរនៅកម្ពុជា (GMAC) សភាពាណិជ្ជកម្មកម្ពុជា (CCC) និងគាំទ្រដោយអគ្គនាយកដ្ឋានជំរុញពាណិជ្ជកម្មនៃក្រសួងពាណិជ្ជកម្ម (TPD)។

ការតាំងពិព័រណ៍ដែលប្រមូលផ្ដុំដោយវិស័យឧស្សាហកម្មសំខាន់ៗ

ពិព័រណ៍ឧស្សាហកម្មគ្រឿងយន្តកម្ពុជាអន្តរជាតិនិង ពិព័រណ៍ឧស្សាហកម្មសម្លៀកបំពាក់ និងវាយនភ័ណ្ឌកម្ពុជាអន្តរជាតិ​គឺជាពិព័រណ៍ឧស្សាហកម្មដ៏លេចធ្លោ និងធំបំផុតដែលផ្តោតលើវិស័យសំខាន់ៗជាច្រើនដូចជា ផ្លាស្ទីក​ កៅស៊ូ ម៉ាស៊ីនវេចខ្ចប់ & ម៉ាស៊ីនព្រីន​ វត្ថុធាតុដើមនិងគ្រឿងបន្ទាប់បន្សំ ម៉ាស៊ីនផលិតអាហារ គ្រឿងម៉ាស៊ីនកសិកម្ម និងសម្ភារៈពាក់់ព័ន្ធនានា ម៉ាស៊ីនស្វ័យប្រវត្តិ វិស្វកម្មអគ្គីសនី ប្រព័ន្ធភ្លើង ​និងម៉ាស៊ីនក្រណាត់ & ​​វាយនភ័ណ្ឌ។ ជាមួយនឹងវត្តមានពីបណ្ដាម៉ាកផលិតល្បីៗមកពីបរទេស អ្នកចូលទស្សនានឹងអាចដឹងពីផលិតផលទាំងអស់នោះតាមរយះវេទិកាពិព័រណ៍មួយនេះ។

ម៉ាកផលិតផលល្បីៗ

ដោយសារតែមានការកើនឡើងវិស័យសេដ្ឋិកិច្ចជាខ្លាំងនៅប្រទេសកម្ពុជា ក្រុមហ៊ុនដែលមានម៉ាកល្បីជាសកល នឹងចូលរូមការតាំងពិព័រណ៍ឧស្សាហកម្មគ្រឿងយន្តកម្ពុជាអន្តរជាតិ និង ពិព័រណ៍ឧស្សាហកម្មសម្លៀកបំពាក់ និងវាយនភ័ណ្ឌកម្ពុជាអន្តរជាតិ ដើម្បីពង្រីកឱកាសរបស់ខ្លួននៅទីផ្សារកម្ពុជា។ ក្រុមហ៊ុនទាំងនោះនឹងបង្ហាញពីបច្ចេកវិទ្យា និង​គ្រឿងម៉ាស៊ីនទំនើបជាច្រើន ដែលមានដូចជា ម៉ាស៊ីនព្រីន&ម៉ាស៊ីនវេចខ្ចប់អាហារ សម្ភារះវិជ្ជាសស្រ្ដ និងគ្រឿងសំអាងកាយ របស់ក្រុមហ៊ុន RIECKERMANN គ្រឿងចក្រផលិតដែកសន្លឹកនិងម៉ាស៊ីនឡាស៊ែរបស់ក្រុមហ៊ុន TRUMPF គ្រឿងដែក និងម៉ាស៊ីនចំហាយផលិតដែករបស់ក្រុមហ៊ុន VEIT ម្ជុលដេរ ម៉ាស៊ីនម្ជុលដេរប៉ាក់របស់ក្រុមហ៊ុន ORGAN NEEDLES ម៉ាស៊ីនដេរ របស់ក្រុមហ៊ុន JUKI និង ឧបករណ៍& ប្រព័ន្ធពត់កោងរបស់ក្រុមហ៊ុន EISENKRAFT​ ជាដើម។

ជំនួបដៃគូរពាណិជ្ជកម្ម​-ជាវិធីមួយពង្រីកវិសាលភាពពាណិជ្ជកម្មឲ្យធំទូលាយ

ដើម្បីជួយឲ្យអ្នកចូលរួមទស្សនាអាចឃើញផលិតផលដែលជាតម្រូវការរបស់ខ្លួន និងអាចជួបជាមួយអ្នកផ្គត់ផ្គង់ល្អៗនៅសាលពិព័រណ៍ អ្នករៀបចំពិព័រណ៍បានសហការណ៍ជាមួយសភាពាណិជ្ជកម្មកម្ពុជា រៀបចំជំនួបដៃគូរពាណិជ្ជកម្ម​ជាមួយអ្នកទិញទំនិញដែលបានចុះឈ្មោះជាមុននៅឆ្នាំនេះ។ ដោយដឹងពីតម្រូវការ និងការចង់បានជាមុនពីអ្នកទិញទំនិញ អ្នកជំនាញនឹងរៀបចំឲ្យជួបជាមួយអ្នកផ្គត់ផ្គង់ និងមានការពិភាក្សារវាងដៃគូរទាំងពីរទៀតផង។ តាមរយះចលនានេះ អ្នកចូលរួមទាំងអស់អាចរកបណ្ដាញដៃគូរ ពង្រីកឱកាសជំនួញ និង បង្កើតដៃគូរពាណិជ្ជកម្មរយះពេលវែង។

ចំនុចសំខាន់សំរាប់បង្កើនផលិតផល និង​ ការស្វែងរកដៃគូរក្រៅស្រុក

ដោយសារតែមានស្ថេរភាពសេដ្ឋិកិច្ច ប្រទេសកម្ពុជាត្រូរបានយកចិត្តទុកដាក់ពីសហគ្រិនបរទេស។ ជាក់ស្ដែង ទីក្រុងភ្នំពេញ នឹងត្រូវបានជ្រើសរើសជាម្ចាស់ផ្ទះសំរាប់ វេទិកាសេដ្ឋិកិច្ចពិភពលោកឆ្នាំ២០១៧(WEF) នៅតំបន់អាស៊ី។ “ប្រទេសកម្ពុជាត្រូវបានជ្រើសរើសជាប្រទេសគំរូក្នុងចំនោមប្រទេសកំពុងអភិវឌ្ឍន៍ ” ជាប្រសាសន៍របស់អ្នកស្រី Sophari ការិយាល័យកណ្ដាលរបស់ (WEF)នៅប្រទេស​ស្វីស។ ទោះយ៉ាងណា ប្រទេសកម្ពុជានៅតែជួបបញ្ហាជាច្រើនដែលត្រូវដោះស្រាយដូចជា ផលិតភាពទាប តំលៃពលកម្មកើនឡើងខណះមានការថយចុះលើវិស័យកាត់ដេរ និងការផលិតអាហារ។ ដើម្បីដោះស្រាយបញ្ហាទាំងអស់នេះ រាជរដ្ឋាភិបាលកំពុងពង្រឹងរចនាសម្ព័នផលិតកម្មឡើងវិញដោយកាត់បន្ថយភាពស្មុគស្មាញក្នុងការវិនិយោគពីបរទេស។​ ម៉្យាងវិញទៀត ការអភិវឌ្ឍន៍គ្រឿងម៉ាស៊ីនគឺជាដំណោះស្រាយក្នុងការជំរុញបរិមានការផលិត។

តាមរយះការចូលទស្សនាការតាំងពិព័រណ៍ឧស្សាហកម្មគ្រឿងយន្តកម្ពុជាអន្តរជាតិ និង ពិព័រណ៍ឧស្សាហកម្មសម្លៀកបំពាក់ និងវាយនភ័ណ្ឌកម្ពុជាអន្តរជាតិ លោកអ្នកអាចដឺងពីគ្រឿងម៉ាស៊ីនឧស្សាហកម្ម និងបច្ចេកវិទ្យាចុងក្រោយ ក៏ដូចជាអាចស្វែងរកដៃគូរជំនួញទៀតផង។ វាប្រកដជាឱកាសមួយសំរាប់ជួយអ្នកឲ្យដឹងពីវិស័យឧស្សាហកម្ម និង បច្ចេកវិទ្យាចុងក្រោយ។